الاسبوع الاول فى الاستعداد لرمضان

بسم الله و الصلاة و السلام على رسول الله سيدنا محمد
ثم اما بعد
اخواتى اخوانى
عايزين نحط شعار لحد رمضان ( لنعبدن الله فى الارض كما تعبده ملائكة السماء)

عايزين نتنافس مع الملائكة
يا جماعة الملائكة لا يسئمون من عبادة الله
لا يسئمون من الذكر

عايزين نكون فرسان و فارسات فى العبادة
عايزين نكون ابطال فى العبادة
عايزين ربنا يباهى بينا ملائكته

ايوة احنا فى الصيف
و المعاصى و الفتن حولنا من كل مكان
لكن ممكن يكون دا اخر رمضان فى حياتنا

قد ايه عرفنا ناس .. أدركوا معنا رمضان أعواماً ..
وهم اليوم من سكان القبور .. ينتظرون البعث والنشور ..
وربما يكون رمضان هذا لبعضنا آخر رمضان يصومه ..
ايوة ممكن يكون اخر رمضان فى حياتنا هيجى

يبقى لازم نصومه صح و نعبد فيه ربنا صح ان شاء الله
طب كل دا هيكون ازاى لو احنا مكوناش داخلين عندنا دفعة ايمانية قوية

عشان كدة
هنبدأ الاسبوع الاول من يوم
4/7/2009

هنبدأ باهم طاعة فى حياتنا
هى
الصلاة

ايوة يا جماعة الصلاة انا عارفة الحمد لله اننا كلنا بنصلى
بس سؤالى هل صلاتنا زى صلاة النبى صلى الله عليه و سلم
هل صلاتنا زى الصحابة
دا فيه واحد من التابعين سيدنا عروة بن الزبير بن العوام أرادوا أن يقطعوا رجله، لأن فيها الآكلة قالهم اقطعوها اما ادخل فى الصلاة
يا الهى دا خشوعه فى الصلاة عامل ازاى و صلاته عاملة ازاى
و مدى استمتاعه بالصلاة عامل ازاى
عايزين نصلى بخشوع
بالنسبة للاخوة ياريت يا اخوان تكون ان شاء الله الصلاة فى المسجد
اما الاخوات فالصلاة هتكون فى البيت ان شاء الله
لكن سواء فى المسجد (للاخوة )
او فى البيت (للاخوات)
الاهم هو الخشووع

عايزين نحس ان احنا واقفين بين ايدين مين ؟
عايزين نبقى فرسان فى الصلاة
عايزين نبقى ابطال فى الصلاة
عايزين نحقق قول الله عز وجل ( قَدْ أَفْلَحَ الْمُؤْمِنُونَ الَّذِينَ هُمْ فِي صَلَاتِهِمْ خَاشِعُون )
يعنى عشان نكون مؤمنين صح احنا محتاجين نكون خاشعين فى الصلاة
و تخيلوا مدى راحتنا لو صلينا صح
ان شاء الله اتمنى نبدأ فى اول اسبوع فى استعدادنا لرمضان باهم طاعة فى حياتنا و طبعا هى الصلاة
اسال الله ان يرزقنا جميعا الخشوع و الذل اليه
اسال الله ان يجعل جميع اعمالنا خالصة لوجهه الكريم
و السلام عليكم و رحمة الله و بركاته

جزاااك الله كل خير

وكل عام وانتن الى الله اقرب

شرفني مرورك
ومشكوووووووووووره على احلى رد

تسلمين ع الطرح
بس ياليت يكون الموضوع بلغتنا السعودية لأنه راح يكون أحلى وأفضل بكثير من أي لغة ثانية
عالعموم تشكرات